काठमाण्डौं । जेबिल्स फाइनान्स लिमिटेडले आफ्ना सेयरधनीलाई करिब १२।५ प्रतिशत बोनस सेयर तथा कर प्रयोजनका लागि ०।६५७ प्रतिशत नगद लाभांश वितरण गर्ने प्रस्ताव गरेको छ ।
साथै कम्पनीले बोनस वितरण पश्चात एक बराबर एक अर्थात शतप्रतिशत हकप्रद बिक्री गर्ने निर्णय समेत गरेको छ । यो लाभांश राष्ट्र बैंकबाट स्वीकृत भएपश्चात बार्षिक साधारणसभाले पारित गरेपछि सेयरधनीलाई वितरण गरिनेछ ।
अहिले कम्पनीको चुक्ता पुँजी २५ करोड ६८ लाख रुपैयाँ छ । वोनस सेयर वितरणपछि पुँजी करिब २९ करोड रुपैयाँ पुग्नेछ । त्यसपश्चात शतप्रतिशत हकप्रद जारी गरेपछि बैंकको चुक्ता पुँजी ५८ करोड रुपैयाँ नाघ्नेछ ।
१९ मंसिर २०७३, ११।००
वि.सं.२०७३ मंसिर १९ आइतवार १७:०१ मा प्रकाशित
