चितवन । पर्यटन प्रवर्द्धन गर्ने लक्ष्यसहित यहाँको पर्यटकीय नगरी सौराहामा सोमबारदेखि चितवन हात्ती महोत्सवको सुरु भएको छ । यो महोसत्व पुस १५ गतेसम्म चल्ने छ ।
नेपाल आएका पर्यटकको बसाइँ लम्ब्याउने उद्देश्यले क्रिसमस र अङ्ग्रेजी नयाँ वर्षको सन्दर्भ पारेर हात्ती महोत्सव आयोजना गरिएको हो । महोत्सवको सुरुवात गर्दै आज बिहान चितवन निकुञ्जको पूर्वी सेक्टरबाट हात्ती तथा विभिन्न जातजातिका झाँकीसहितको र्यालीले सौराहाको परिक्रमा सहित कार्यक्रमको सुरुवात गरिएको छ ।
यसवर्ष सौराहामै पहिलोपटक अन्तर्राष्ट्रिय हात्तीपोलो प्रतियोगितासमेत आयोजना हुँदैछ । महोत्सवमा हात्ती फास्टवाक प्रतियोगिता, हात्तीपोलो प्रतियोगिता, हात्तीका छावाबीच रोमाञ्चक फुटबल, हात्ती शृंगार प्रतियोगिता, गाडा टौड, हात्ती पेन्टिङ, हात्तीको वनभोज, सांस्कृतिक कार्यक्रम र डुंगा दौड प्रतियोगिता आयोजना गरिने आयोजकले बताएका छन् ।
११ पुस २०७३, १।००
वि.सं.२०७३ पुस ११ सोमवार १४:२९ मा प्रकाशित
