धनगढी । गाउँ पर्यटन प्रवद्र्धन मञ्च (भिटोफ) तथा नेपाल टुरिजम बोर्डको आयोजनामा धनगढीमा चार दिने होमस्टे पर्यटनका लागि आधारभूत तालिम कार्यक्रम सुरु भएको छ ।
कैलालीस्थित भादामा १६ होमस्टे व्यवसायका लागि सुरु भएको उक्त आधारभूत घरवास व्यवस्थापन तालिममा ६० जना पर्यटन व्यवसायका लागि होमस्टे सञ्चालक व्यवसायीहरु सहभागी रहेको भिटोफका द्वितीय उपाध्यक्ष एवम् सञ्चार संयोजक दीपक दाहालले बताए ।
सञ्चार संयोजक दाहालले ग्रामीण पर्यटन पवद्र्धन गर्ने उद्देश्यले यो तालिम अयोजना गरिएको र यसलाई अभियानका रुपमा गाउँ गाउँमा लैजाने तयारी समेत रहेको बताए ।
पुस १४ देखि १७ गतेसम्म सञ्चालन हुने यस तालिमका संयोजक प्रा.डा.प्रेम शर्मा रहेका छन् भने कार्यक्रम संयोजक भिटोफका महासचिव वासुदेव शर्मा रहेका छन् यो तालिम सुदूर पश्चिम क्षेत्र लक्षित रहेको छ ।
यसले सुदूर पश्चिम क्षेत्रका होमस्टे सञ्चालक तथा कामदारहरुलाई दिइने यस आधारभूत घरवास व्यवस्थापन तालिमसँगै यस सुदूर पश्चिम क्षेत्रमा पर्यटन बढ्ने अपेक्षा रहेको आयोजकको दाबी छ ।
उक्त तालिममा होमस्टेमा जाने पर्यटकहरुलाई गरिने व्यवहार (हस्पिटालिटी), सुरक्षा, स्वास्थ्यको ख्याल, खानाका परिकार तथा व्यवस्थापन जस्ता आधारभूत विषयमा तालिम दिइने छ ।
भिटोफ नेपालले गत सेप्टेम्बर २७ का दिन विश्व पर्यटन दिवसका अवसरमा भादा होमस्टे सहित तनहुँको दुम्सी दराई होमस्टे र हुम्लाको बुराउसे गाउँ होमस्टेलाई गाउँ पर्यटन वर्षको रुपमा घोषणा गरेको थियो।
१३ पुस २०७३
वि.सं.२०७३ पुस १३ बुधवार १३:४६ मा प्रकाशित