काठमाण्डौं । खानीखोला हाइड्रोपावर कम्पनीको ४६ लाख ५७ हजार एक सय ४३ कित्ता साधारण सेयर नेपाल स्टक एक्सचेञ्जमा सूचिकृत भएको छ । आज सूचिकृत सेयरको नेप्सेमा आउँदो साताबाट कारोबार सुरु हुनेछ ।
कम्पनीले गत जेठमा ९ लाख ३१ हजार ४ सय २९ कित्ता साधारणसेयर जारी गरेको थियो । साधारण सेयर निष्कासन पश्चात कम्पनीको चुक्तापूँजी ४६ करोड ५७ लाख १४ हजार रुपैयाँ पुगेको छ । कम्पनीले निष्काशन गरेको ९ लाख ३१ हजार ४ सय २९ कित्ता सेयर मध्ये ४६ हजार ५ सय ७१ कित्ता सामूहिक लगानी कोष र १८ हजार ६ सय २९ कित्ता कर्मचारीका लागि बाँडफाँट गरिएको थियो ।
त्यस्तै कम्पनीले आयोजना प्रभावित गाउँ भट्टेडाडा, ईकुडोल र संखु गाउँ बिकास समितिका बासिन्दाका लागि ४ लाख ६५ हजार कित्ता साधारण सेयर बिक्री वितरण गरेको थियो । कम्पनीले ललितपुरको खानीखोलाबाट २ मेगावाट बिजुली उत्पादन गर्ने गरी आयोजना बनाएको छ भने अर्को साढे चार मेगावाटको टुंगुन ठोस्ने खोला आयोजना निमाणाधिन छ ।
१९ पुस २०७३, १।००
वि.सं.२०७३ पुस १९ मंगलवार १३:०९ मा प्रकाशित
