काठमाण्डौं । फरवार्ड कम्युनिटी माइक्रोफाइनान्स वित्तीय संस्था लिमिटेडले साधारण सेयर निष्कासनको लागि धितोपत्रबोर्ड बाट अनुमति पाएको छ । कम्पनीले ६ करोड रुपैयाँ बराबरको ६ लाख कित्ता साधारण सेयर निष्कासनको माग गर्दे बोर्डमा आवेदन दिएको थियो ।
कम्पनीको सेयर निष्कासन तथा बिक्री प्रबन्धकमा एनआइबिएल क्यापिटल लिमिटेड रहेको छ ।सुनसरीमा केन्द्रीय कार्यालय रहेको संस्थाले एक सय रुपैयाँ अंकित दरका ६ करोड रुपैयाँ बराबरको ६ लाख कित्ता साधारण सेयर जारी गर्न लागेको हो ।कम्पनीले माघ महिना भित्र आइपिओ निष्कासन गर्ने तयारी थालेको छ ।
आइपिओ जारी गरेपछि कम्पनीको चुक्तापूँजी २० करोड रुपैयाँ रहेको छ । हाल कम्पनीको १४ करोड रुपैंया चुक्ता पूँजी रहेको छ । आइपिओ जारी गरेपछि कम्पनीमा संस्थापकको ७० तथा साधारण सेयरधनीको ३० प्रतिशत सेयर स्वामित्व कायम हुनेछ ।
संस्थाले ३६ जिल्लाका करिब सवा लाख सेवाग्राहीलाई वित्तीय सेवा दिदै आएको छ । कम्पनीले चालु अर्थिक वर्षको पहिलो त्रैमासमा ६ करोड १५ लाख २९ हजार रुपैंया खुद नाफा कमाएको छ ।
२० पुस २०७३, ११।००
वि.सं.२०७३ पुस २० बुधवार १२:०४ मा प्रकाशित
