काठमाण्डौं । माछापुछ्रे बैंकले थपेको हकप्रद भर्ने एकसाताको समय पनि आईतबार सकिदैछ । बैंकको संचालक समितिले गत २४ गते धेरै सेयरधनीले हकप्रद भर्न बाँकी रहेको भन्दै सात दिन समय बढाएको थियो ।
बैंकले गत मंसिर १९ गतेदेखि हकप्रद खुला गरेको थियो । बैंकले कात्तिक ११ गतेसम्म सेयर किन्ने सेयरधनीलाई ५० प्रतिशत अर्थात दुई बराबर एक कित्ता हकप्रद सेयर जारी गरेको हो । बैंकले एक सय रुपैयाँ दरको १ करोड ९३ लाख २२ हजार ७ सय कित्ता हकप्रदको विक्री गर्न लागेको हो ।
बैंकको सेयर बिक्रि प्रबन्धक सिभिल क्यापिटल मार्केट लिमिटेड रहेको छ । बैंकको हकप्रद सेयर खरिदका लागि विक्रि प्रवन्धकको कार्यालय कमलादी तथा माछापुछ्रे बैंकको सबै शाखाहरुबाट कार्यालय समयभित्र हकप्रद भर्न सकिन्छ ।
२ माघ २०७३, ११।००
वि.सं.२०७३ माघ २ आइतवार १२:०१ मा प्रकाशित
