काठमाडौ । नेरुडे लघुवित्त विकास बैंक लिमिटेडले ५० प्रतिशत हकप्रद सेयर निष्कासन गर्न अनुमति पाएको छ । धितोपत्र बोर्डले नेरुडेलाई २ः१ अनुपातमा हकप्रद सेयर बिक्री गर्न अनुमति दिएको हो ।
नेरुडेले नौ करोड रुपैयाँको नौ लाख कित्ता हकप्रद सेयर बिक्री गर्न अनुमति पाएको हो । बोर्डबाट अनुमति पाएकाले अब छिट्टै हकप्रद निष्कासन प्रक्रिया अघि बढाइने बैंकले जानकारी दिएको छ ।
नेरुडेको यो हकप्रद सेयरमा बिक्री प्रबन्धकको काम एनसीएम मर्चेन्ट बैंकिंङ लिमिटेडले गर्दैछ । नेरुडेले गत वर्षको नाफाबाट लगानीकर्तालाई २० प्रतिशत बोनस सेयर र १० प्रतिशत नगद लाभांश पनि दिने निर्णय गरेको छ ।
प्रकाशित मितिः २०७३ माघ २०
वि.सं.२०७३ माघ २० बिहीवार १२:२६ मा प्रकाशित
