काठमाण्डौं । सेयर बजार आज ४.२४ अंकले झरेर १३४४.६० अंकमा बन्द भएको छ। आज दिनभरीमा १३२ कम्पनीको ३१ करोड ९८ लाख रुपैयाँको सेयर कारोबार भएको छ।
अन्य र फाइनान्स कम्पनी सुचक बाहेक सबै ओर्लिएको छ । आज बिमा साढे २३ अंकले झरेको छ भने होटलमा ४१ अंकको गिरावट आएको छ। त्यस्तै, बैकिङ ५ अंकले झरेको छ।
बजार घट्दा पनि नेपाल बैंक, सानिमा माइ हाइड्रो र सिनर्जी फाइनान्सका लगानीकर्ता बढी कमाउनेको सुचीमा परेका छन्। त्यस्तै आज सेयर बजारमा बढी गुमाउनेमा महिला सहयात्रा, तिनाउ डेभलपमेन्ट बैंकलगायतका लगानीकर्ता छन्।
२५ माघ २०७३, १।००
वि.सं.२०७३ माघ २५ मंगलवार १५:३४ मा प्रकाशित
