नवलपरासी। नवलपरासीका क्रसर व्यवसायीहरुले जिल्ला विकास कार्यालय नवलपरासीमा नदीजन्य वस्तुको स्रोत खुलाएर प्रतिवेदन बुझाएका छन् । एक साता अगाडि जिविसले क्रसर व्यवसायीलाई खोलाको स्रोत खुलाउन निर्देशन दिएको थियो । जिल्लामा सञ्चालित १२ क्रसर व्यवसायीले संयुक्तरुपमा बुझाएको प्रतिवेदनमाथि अनुगमन तथा छानविन समितिले अध्ययन,अनुसन्धान गर्ने स्थानीय विकास अधिकारी युवराज कट्टेलले जानकारी दिएका छन् ।
जिविसले छानविन नगरेसम्म जिल्लाका क्रसर उद्योग ठप्प रहने उनले बताए । जिल्लामा रहेका १२ वटा क्रसर उद्योगमा ८ लाख ७ सय ५९ घनमिटर नदीजन्य वस्तु मौज्दात रहेको जिल्ला स्तरीय अनुगमन समन्वय समितिले अनुगमनका क्रममा भेटाएको थियो ।
व्यवसायीहरुले जिविसले अनुगमनका क्रममा भेटाएको त्यस्तो वस्तुको परिमाण भनिएको भन्दा करिव २ लाख घनमिटर कम मात्रै आफूहरुसँग रहेको बताएका छन् ।
प्रकाशित मितिः २०७३ माघ २६
वि.सं.२०७३ माघ २६ बुधवार ०७:११ मा प्रकाशित
