काठमाडौ । सेवा विकास बैंकले १२ लाख ६१ हजार ७७८ कित्ता सेयर लिलामीमा बिक्री गर्ने भएको छ । बैंकले संस्थापक समूहको १० लाख ४० हजार १७१ कित्ता सेयर र सर्वसाधारण समूहको दुई लाख २१ हजार ६०७ कित्ता सेयर लिलामीमा बिक्री गर्न लागेको हो ।
लगानीकर्ताले न्यूनतम एक सय रुपैयाँलाई आधार मानेर त्यसभन्दा बढी भाउमा बोलपत्र पेस गर्नुपर्नेछ । यो लिलामी सेयर फागुन १७ गते देखि बिक्री खुला हुनेछ । फागुन २३ सम्म बोलपत्र भर्न पाइनेछ ।
बैंकले हकप्रद निष्कासन गर्दा बिक्री नभएको सेयर लिलामीमा बेच्न राखेको हो । यसअधि बैंकले मंसिर २३ गतेदेखि पुस २७ गतेसम्म एक सय प्रतिशत हकप्रद सेयर बिक्री खुला गरेको थियो । आवेदकले एनएमबि क्यापिटल लिमिटेड नागपोखरी काठमाडौं तथा सेवा विकास बैंकको प्रधान कार्यालय पुष्पलाल चोक बुटवलबाट आवेदन फारम लिन र बुझाउन सक्नेछन् ।
सेवाको बिक्री प्रबन्धक एनएमबि क्यापिटल लिमिटेड रहेको छ । संस्थापक समूहको बोलपत्र फागुन २४ गते दिउसो ३ बजे र सर्वसाधारण समूहको बोलपत्र सोही दिन दिउँसो ४ बजे एनएमबि क्यापिटल लिमिटेड नागपोखरी काठमाडौंमा खोलिनेछ ।
प्रकाशित मितिः २०७३ फागुन २
वि.सं.२०७३ फागुन २ सोमवार १६:११ मा प्रकाशित
