काठमाडौ । युनाइटेड मोदी हाइड्रोपावर लिमिटेडले १७ लाख २५ हजार कित्ता साधारण सेयर यही फागुन १९ गतेदेखि निष्काशन गर्दैछ । कम्पनीले एक सय रुपैयाँ अंकित मूल्यमा १७ करोड २५ लाख रुपैयाँ बराबरको १७ लाख २५ हजार कित्ता साधारण सेयर सर्वसाधारणका लागि निष्काशन गर्न लागेको हो ।
कम्पनीको सेयरमा न्यूनतम ५० कित्ता अर्थात पाँच हजार रुपैयाँ तथा अधिकतम १५ हजार कित्ता अर्थात १५ लाख रुपैयाँ बराबरको आवेदन दिन सकिनेछ । कम्पनीको सेयर निष्काशन तथा बिक्री प्रबन्धकमा एनआईबीएल क्यापिटल लिमिटेड रहेको छ । एनआईबिएल क्यापिटल लाजिम्पाट, सीबीआइएल क्यापिटल डिल्लीबजार, काठमाडौं क्यापिटल मार्केट लिमिटेड कमलादी, भिबोर क्यापिटल लिमिटेड ललितपुर, गोदार्ज फाइनान्स डिल्लीबजार तथा शाखा कार्यलयहरु, गुहेश्वरी मर्चेण्ट बैङ्किङ् एण्ड फाइनान्स लिमिटेड हरिहर भवन ललितपुर तथा शाखा कार्यालयहरु,चाबहिल, हेटौँडा, वीरगञ्ज र चारआली, आइसीएफसी फाइनान्स लिमिटेड काठमाडौं तथा शाखा कार्यलयहरु, सिनर्जी फाइनान्स लिमिटेड कमलादी काठमाडौं तथा शाखा कार्यालय हाम्रो विकास बैङ्क नुवाकोट, ग्रीन डेभलपमेण्ट बैङ्क लिमिटेड बाग्लुङ र साझा विकास बैङ्क लिमिटेड, धनगढी कैलाली तथा शाखा कार्यलयहरु टिकापुर र महेन्द्र नगरबाट उक्त सेयरमा आवेदन दिने सकिनेछ ।
कम्पनीको सेयरलाई इक्रा नेपालले ग्रेड ३ को रेटिङ दिएको छ । यो ग्रेडले कम्पनीको सबै पक्षहरू बलियो रहेको संकेत गर्छ । फागुन १९ गतेदेखि खुला हुने आईपिओ निष्काशन छिटोमा फागुन २३ र ढिलोमा चैत ३ गते बन्द हुनेछ ।
यो पर्वत जिल्लामा निमार्णाधीन परियोजना हो ।
प्रकाशित मितिः २०७३ फागुन १३
वि.सं.२०७३ फागुन १३ शुक्रवार १८:१० मा प्रकाशित