काठमाण्डौं । आज बुधबार सुनको मूल्य प्रतितोला ४ सय रुपैयाँले घटेको छ। नेपाल सुनचाँदी व्यवसायी महासंघका अनुसार अघिल्लो दिन तोलाको ५६ हजार २ सय रुपैयाँमा कारोबार भएको सुनको मूल्य आज बुधबार ५५ हजार ८ सय रुपैयाँ कायम भएको छ।
अमेरिकी फेडरल रिजर्भ बैंकले व्याजदर बढाउने चर्चा चलेपछि सुनको मूल्य मार्चको पहिलो दिन घटेको छ। मार्चको मध्यावधितिर व्याजदर बढाउने प्रस्ताव गरिने बताइएको छ।
आज चाँदीको मूल्य भने स्थिर रहेको छ। प्रतितोला ८ सय ३५ रुपैयाँमा चाँदीको कारोबार भइरहेको छ।
१८ फागुन २०७३, ११।००
वि.सं.२०७३ फागुन १८ बुधवार ११:१६ मा प्रकाशित