काठमाण्डौं । फरवार्ड कम्युनिटी माईक्रोफाइनान्सले जारी गरेको ६ लाख कित्ता साधारण सेयर शुक्रबार बाँडफाँड गरेको छ । जस अनुसार एक लाख २६ हजार ७ सय ८७ आवेदकले सेयर माग गरेकोमा ३८ हजार आठ जनाले मात्र फरवार्डको सेयर पाएका छन् । २ हजार ६२ जना लगानीकर्ताको आवेदन भने रद्द भएको छ ।
कम्पनीको सेयर निष्काशन तथा बिक्री प्रबन्धक नबिल इन्भेष्टमेण्ट बैंकिङका अनुसार एक हजार ३० कित्तासम्म आवेदन गर्ने सबै लगानीकर्तालाई गोलाप्रथाबाट सेयर बाँडफाँड गरिएको हो ।
५ हजार रुपैयाँदेखी एक लाख तीस हजार रुपैयाँसम्म आवेदन गर्ने लगानीकर्ताले गोलाप्रथाबाट दश कित्ता सेयर पाएका छन भने त्यसभन्दा माथि आवेदन गर्नेले शुन्य दशमलव ८९ प्रतिशतका दरले सेयर पाएका छन् । सबैभन्दा बढी तीन हजार कित्ता आवेदन गर्नेले समेत जम्मा २७ कित्ता सेयर पाएका छन् ।
२० फागुन २०७३, ३।३०
वि.सं.२०७३ फागुन २० शुक्रवार १६:२५ मा प्रकाशित