काठमाण्डौं । एनएमबि बैंकले एक सूचना जारी गर्दै गत आर्थिक बर्षको कमाईबाट प्रदान गरेको १९ प्रतिशत बोनस बैंकको साधारणसभाका लागि सेयरधनी किताब बन्द हुँदा सम्म डिम्याट गराई सकेका सेयरधनीलाई बोनस सूचिकरण पश्चात सिधै खातामा नै प्रदान गर्ने भएको छ ।
पुस ७ गतेसम्म डिम्याट गराएका लगानीकर्ताले डिम्याट खातामा नै सेयर पाउनेछन् भने डिम्याट नगरेका लगानीकर्ताहरुलाई बैंकले बैंकको सेयर रजिष्टार एनएमबि क्यापिटल वा अन्य निक्षेप सदस्यकोमा खाता खोली भौतिक सेयरलाई अभौतिक गराई छिटो बोनस पाउने ब्यवस्था मिलाउन भनेको छ । सेयर अभौतिक गराएपछि बोनस सेयर जम्मा गरिदिने स्पष्ट पारेको छ ।
यसका साथै बैंकले, असोज मसान्तसम्म बैंकको सेयर किनेका सेयरधनीले बोनसबापतको कर तिर्न नपर्ने तथा बोनसको कर बापतको रकम समेत पछि सूचना मार्फत प्रदान गरिने तर त्यस पश्चात साधारणसभा प्रयोजनका लागि सेयरभनी पुस्तिका बन्द हुँदाको समयमा सेयर किनेका लगानीकर्ताले बोनसको कर लाग्ने व्यहोरा समेत बैंकले स्पष्ट पारेको छ ।
२१ चैत २०७३, ७।००
वि.सं.२०७३ चैत २१ सोमवार ०७:५४ मा प्रकाशित
