काठमाण्डौं । सूर्या लाइफ इन्स्योरेन्सले लगानीकर्तालाई पाँच प्रतिशत बोनस बितरण गर्ने भएकोछ । इन्स्योरेन्सले हाल कायम चुक्ता पुँजी ६२ करोड ५० लाख रुपैयाँको पाँच प्रतिशत बराबर हुने तीन करोड १२ लाख ५० हजार रुपैँयाको बोनस तथा शुन्य दशमलव २६३ प्रतिशत नगद लाभांस अर्थात १६ लाख ४४ हजार ७३७ रुपैँया कर प्रयोजनका लागि साधारणसभाबाट पारित गर्देछ ।
इन्स्योरेन्सको माघ २१ गते शुक्रबार बसेको बसेको सञ्चालक समितिको बैठक साधारणसभा प्रयोजनका लागि चैत २८ देखि बैशाख १४ गतेसम्म सेयरधनी दर्ता किताब बन्द गर्ने निर्णय गरेको छ । कम्पनीले बैशाख १४ गते साधारणसभा बोलाएको छ । बोनस तथा साधारणसभामा भाग लिन चैत २७ गतेसम्म सेयर किनेको हुनुपर्नेछ ।
२४ चैत २०७३, ७।००
वि.सं.२०७३ चैत २४ बिहीवार ०७:१४ मा प्रकाशित
