काठमाडौ । सर्वोच्च शिखर सगरमाथाको आधार शिविर जाने क्रममा सिंगापुरकी पदयात्री वाङ कुम लिङ मेइको शुक्रबार निधन भएको छ । ४७ बर्षीया वाङ कुमको पाँच हजार एक सय मिटरको उचाईमा रहेको लवुचेमा चिसोका कारण निधन भएको हो । उनी बुधवारदेखि विरामी परेकी थिईन् ।
पर्यटक प्रहरी अनुसन्धान शाखाका प्रमुख दिनेश थापाका अनुसार लाङटाङ रिट्रेक कम्पनीबाट पदयात्रामा गएकी वाङ कुमको शुक्रबार बिहान निधन भएको हो । सोलुखुम्बु जिल्लाको खुम्बु पासाङ ल्हामु गाउँपालिकाको वडा नम्बर ४ मा अवस्थित लवुचेमा उनको निधन भएको हो ।
लवुचेबाट फिरेचे करीव एक घण्टाको दुरीमा रहेको छ । उनलाई फिरिचेमा रहेको अस्पतालसम्म नपुरयाइएको पदयात्रामा रहेका उनका साथीले प्रहरीलाई जानकारी गराएका छन् । वाङ कुमको साथी भने सकुशल रहेको प्रहरीले जनाएको छ । वाङ कुमको शव काठमाडौ ल्याउने तयारी भइरहेको छ ।
प्रकाशित मितिः २०७४ जेठ १२
वि.सं.२०७४ जेठ १२ शुक्रवार १६:३७ मा प्रकाशित
