काठमाडौ। पर्यटन व्यवसायी एवं पाँचतारे होटल र्याडिसनका प्रवन्ध निर्देशक बीके श्रेष्ठको मंगलबार विहान निधन भएको छ । केही समय अघिदेखि जिब्रोका क्यान्सरबाट ग्रसित श्रेष्ठको आज विहान आफ्नै निवासमा निधन भएको हो ।
हरिसिद्धिस्थित नेपाल क्यान्सर अस्पताल ललितपुरमा उपचाररत श्रेष्ठलाई हिजो मात्र निवासमा ल्याइएको थियो ।
१९७० को दशकबाट हिमालयन ट्राभल मार्फत पर्यटन क्षेत्रमा लागेका श्रेष्ठले दुई दशक अघि र्याडिसन होटल सुरु गरेका थिए ।
पर्यटनमा लामो योगदान रहेको श्रेष्ठको अल्पायुमै भएको निधनले पर्यटन क्षेत्रमा अपूरणीय क्षति पुगेको हानका पूर्व अध्यक्ष योगेन्द्र शाक्य बताउँछन् । उनले र्याडिशन परिवारले चलाएको होटल रहेर पनि सार्वसाधारणलाई शेयर दिनु श्रेष्ठको ठूलो दील र प्रशंसनीय कार्य रहेको बताए । श्रेष्ठ नेपाल पर्यटन बोर्डको पूर्व सदस्य होटेल एसोशियसन अफ नेपाल हानका पूर्व अध्यक्ष अध्यक्ष तथा नेपाल जर्मन चेम्बरको पूर्व अध्यक्षसमेत थिए ।
प्रकाशित मितिः २०७४ जेठ १६
वि.सं.२०७४ जेठ १६ मंगलवार १३:५४ मा प्रकाशित