काठमाडौ । एनसेलले आजदेखि फोरजी सेवा संचालनमा ल्याएको छ । संसदको बिकास समितिले एनसेललाई फोरजी सेवा संचालन गर्नु दिनु भनी नेपाल दुरसंचार प्राधिकरणलाई निर्देशन दिएको र सार्बजनिक लेखा समितिले रोकेको अबस्थामा चोर बाटोबाट एनसेलले फोर जी सेवा संचालन गरेको हो ।
स्वामित्व बिक्री बापतको कर असुली नभएसम्म एनसेललाई नयाँ सेवा संचालनको अनुमति दिन नहुने आवाज जनस्तरबाटै उठेको थियो । तर सांसदहरुकै मिलेमतोमा एनसेलले राज्यलाई छक्याएको छ । यसमा ठूलो आर्थिक चलखेल भएको आशंका गरिएको छ ।
टेलिया सोनेराबाट एक्जियटा कम्पनीले एनसेलको स्वामित्व किन्दा ३५ अर्ब रुपैयाँ कर छलेको प्रमाण भेटिएपछि एनसेल बिबादमा पर्दै आएको छ ।
एनसेलले काठमाडौ, नगरकोट, बनेपा र धुलिखेलमा फोरजी सेवा संचालनमा ल्याएको जनाएको छ ।
प्रकाशित मितिः २०७४ जेठ १८
वि.सं.२०७४ जेठ १८ बिहीवार १३:२९ मा प्रकाशित