धादिङ । धादिङको थाक्रे गाउँपालिका स्थित सिम्लेमा माइक्रोबसको ठक्करबाट २ को मृत्यु भएको छ । लु १ ज २६७४ नम्बरको बुटवलबाट काठमान्डौं जाँदै गरेको माइक्रोको ठक्करबाट स्थानीय बन्दना परियारको मृत्यु भएको प्रहरीले जनाएको छ। परियारको मृत्यु भएपछि आक्रोसित स्थानीयले माइक्रोबसमा आगजनी गरेका छन्।
सडक छेउमा हिँड्दै गरेको पैदलयात्रीलाई तिब्र गतिमा कुदेको माइक्रोले ठक्कर दिएको र चालकको लापरबाहीले ज्यान गएको भन्दै आक्रोसित स्थानीयले माइक्रोमा आगो लगाइदिएका हुन। यसैगरी घाइते भएकी गंगा थापाको पनि उपचारको लागि काठमाडौं लैजाँदै गर्दा बाटैमा मृत्यु भएको इलाका प्रहरी कार्यालय खानीखोला धादिङले जनाएको छ ।
आज दिउँसो २ बजे सिम्ले बजारमा माइक्रो बसले सडकबाटोमा हिड्ने चार जनालाई ठक्कर दिएको स्थानीयले बताएका छन् । अन्य २ घाईतेलाई उपचारका लागि अस्पताल पठाइएको स्थानीयले बताएका छन् ।
प्रकाशित मितिः २०७४ जेठ २३
वि.सं.२०७४ जेठ २३ मंगलवार १६:३६ मा प्रकाशित
