टर्कीको पश्चिमी क्षेत्र एजिएन र ग्रिसको लेसबस तथा चिओसमा सोमबार गएको शक्तिशाली भूकम्प भूकम्पमा परी दर्जनौं मानिसहरु घाईते भएका छन् ।
ग्रिक सरकारी टेलिभिजन इआरटीले ६.३ म्याग्नीच्युडको भूकम्प गएको जनाएको छ । लेसबसको भ्रिसा भन्ने गाँउमा ती १० जनाभन्दा बढि घाइते भएको र एक जना बृद्ध अवस्था खतरापूर्ण रहेको बताईएको छ ।
“दर्जनौ घरहरु भत्किएका छन्, गाँउका सडकहरु पनि चिराचिरा परेका छन्,” एक सरकारी अधिकारीले स्थानीय एक टेलिभिजनसँग भने ।
उद्धारमा खटिएका सुरक्षाकर्मी तथा अन्य स्थानीयले अपाङगता भएका र महिलाहरुलाई पहिलो प्राथमिकता दिई उद्धारको काम गरेका छन् ।
वि.सं.२०७४ जेठ ३० मंगलवार ०९:०० मा प्रकाशित
