काठमाडौ । सेञ्चुरी कमर्सियल बैंकले ४० प्रतिशत हकप्रदका लागि धितोपत्र बोर्डमा निवेदन दिएको छ । बैंकले १०ः४ को अनुपातमा प्रतिकित्ता १०० रुपैयाँको दरले १ करोड ८८ लाख ५४ हजार २५७ कित्ता हकप्रद सेयर निष्कासनका लागि अनुमति मागेको हो ।
सेञ्चुरीको यो हकप्रदमा सिभिल क्यापिटल मार्केट लिमिटेडले बिक्री प्रबन्धकको काम गर्नेछ ।
आइतबारबाट सेञ्चुरीले इन्नोभेटिभ र अरनिको डेभलपमेन्ट बैंकलाई एक्वायर गरेपश्चात एकीकृत कारोवार पनि सुरु गरिसकेको छ । दुई विकास बैंकलाई एक्वायर गरेपश्चात कायम हुने पुँजीबाट बैंकले ४० प्रतिशत हकप्रद निष्कासन गर्न लागेको हो । सेञ्चुरीले गत वर्षको कमाईबाट लगानीकर्तालाई १० प्रतिशत बोनस सेयर दिइसकेको छ ।
प्रकाशित मितिः २०७४ असार २
वि.सं.२०७४ असार २ शुक्रवार ०९:३१ मा प्रकाशित