काठमाडौ। मंगलबार नेपाल स्टक एक्स्चेञ्जमा एकै दिन एक करोड ९६ लाख ६० हजार ९५२ दशमलव ८१कित्ता सेयर सूचिकृत भएको छ । यसदिन ६ वटा कम्पनीको बोनस र हकप्रद सेयर सूचिकृत भएको हो । बजारमा एक करोड ८४ लाख ४७ हजार ५३६ कित्ता हकप्रद सेयर सूचिकृत भएको छ भने १२ लाख १३ हजार ४१६ कित्ता बोनस सेयर सूचिकृत भएको छ ।
मंगलबार ज्योति विकास बैंकको ७६ लाख ६५ हजार ६६३ कित्ता हकप्रद सेयर, गरिमा विकास बैंकको ८७ लाख ३० हजार ३७८ कित्ता हकप्रद सेयर, प्रभु इन्स्योरेन्सको १९ लाख २५ हजार ७८ दशमलव ८१ कित्ता हकप्रद सेयर, नागबेली लघुवित्त विकास बैंकको एक लाख २६ हजार ४१७ कित्ता हकप्रद सेयर सेयर सूचिकृत भएको छ ।
यसैगरी बोनसतर्फ नागबेली लघुवित्त विकास बैंकको एक लाख ५० हजार कित्ता, महालक्ष्मी विकास बैंकको ९ लाख १३ हजार ४१६ कित्ता र आरएसडीसी लघुवित्त वित्तीय संस्थाको १ लाख ५० हजार कित्ता बोनस सेयर सूचिकृत भएको छ ।
प्रकाशित मितिः २०७४ असार २०
वि.सं.२०७४ असार २० मंगलवार १६:०४ मा प्रकाशित
