काठमाडौ। विदेशमा मृत्यु भएका नेपाली कामदारका परिवारलाई राज्यले ७ लाख क्षतिपुर्ति दिने भएको छ । सो सम्बन्धी निर्णय केहि दिन अघि मात्रै मन्त्रिपरिषदले गरेको हो ।
तत्कालिन प्रधानमन्त्री पुष्पकमल दाहालले विदेशमा मृत्यु भएका नेपाली कामदारका परिवारलाई ७ लाख रुपैंयाँ दिने घोषणा गरेका थिए । त्यसको एक बर्षपछि मात्रै सो घोषणालाई मन्त्रिपरिषदले पास गरेको हो । केहि दिन भित्रै राजपत्रमा प्रकाशन गरेर निर्णय कार्यान्वयनमा ल्याउन लागिएको हो ।
हालसम्म विदेशमा मृत्यु भएका नेपाली कामदारका परिवारलाई ३ लाख रुपैंयाँ दिईदै आईएको थियो ।
हालसम्म विदेशमा मृत्यु भएका ५ हजार ५ सय ९० जना नेपाली कामदारका परिवारले आर्थिक सहायता लिएका छन् । गोरखापत्र दैनिकबाट
प्रकाशित मितिः २०७४ असार ३०
वि.सं.२०७४ असार ३० शुक्रवार १२:१० मा प्रकाशित
