धादिङ । धादिङको बेनिघाटमा गए राति १ बजे रात्री बस दुर्घटना हुँदा २ जनाको मृत्यु भएको छ । काठमाण्डौबाट काकडभिट्टाको लागि छुटेको बस पृथ्वी राजमार्ग अन्तर्गत धादिङको बेनिघाटको विशालटारबाट करिब २० मिटर तल खसेको हो ।
दुर्घटनामा बस चालक झापा सिवसतासी नगरपालिका–६ का कमल ढुंगाना र सहचालक नवराज सिवाकोटीको मृत्यु भएको जिल्ला ट्राफिक प्रहरी कार्यालय गजुरीका प्रहरी निरिक्षक कृष्णराज सापकोटाले जानकारी दिए । दुर्घटनामा अन्य चार जना घाईते भएका छन् ।
घाईते भएकाहरुको मलेखु सामुदायिक अस्पतालमा उपचार भईरहेको छ । रातीको समयमा चालक निदाएकोले दुर्घटना भएको हुन सक्ने अनुमान गरिएको छ ।
फोटो सौजन्यः जिल्ला ट्राफिक कार्यालय,धादिङ
प्रकाशित मितिः २०७४ साउन ५
वि.सं.२०७४ साउन ५ बिहीवार ११:४५ मा प्रकाशित
