काठमाडौं । साताको अन्तिम दिनको सेयर कारोबारमा नेप्से परिसूचक र कारोबार रकम दुबैमा गिरावट आएको छ । कारोबारमा बैकिङ, जलविद्युत र होटल समूह घटेपछि बजार नकारात्मक बनेको हो।
बिहीबार नेप्से १.५२ अंकले घटेर १६३५.७५ विन्दुमा पुगेकोे छ । १५५ कम्पनीको कारोबार भएको बजारमा १७ लाख ७५ हजार कित्ता सेयर ९६ करोड रुपैयाँ बराबरमा किनबेच भएको हो । अघिल्लो दिनको तुलनामा कारोबार रकम २१ करोडले कम भएको छ ।
कारोबारमा आएका बैकिङ, जलविद्युत र होटल समूहका सूचक ओरालो लागेका छन भने बीमा, वित्त, उत्पादन र अन्य समूहका सूचक बढेको छन ।बुधबार एक अर्ब १७ करोड रुपैयाँ बराबरको सेयर किनबेच भएको थियो ।
बिहीबारको कारोबारमा सबैभन्दा बढी हाम्रो बिकास बैंकका शेयरधनीले कमाएका छन्। यस बैंकको शेयरमूल्य ८.२३ प्रतिशतले बढेको हो । आरएसडिसी लघुवित्त, सिनर्जी फाइनान्स, लाइफ इन्स्योरेन्स लगायतको सेयरमूल्य बढेको छ ।
प्रकाशित मितिः २०७४ साउन ५
वि.सं.२०७४ साउन ५ बिहीवार १६:३० मा प्रकाशित
