काठमाडौ । सरकारले राष्ट्रिय योजना आयोगको उपाध्यक्षमा अर्थशास्त्री डा. स्वर्णिम वाग्लेलाई नियुक्त गरेको छ। बिहिबार बसेको मन्त्रिपरिषद् बैठकले वाग्लेलाई उपाध्यक्षमा नियुक्ती गरेको हो।
आयोगका उपाध्यक्ष डा.मीनबहादुर श्रेष्ठले राजीनामा दिएपछि योजना आयोगको उपाध्यक्ष पद रिक्त थियो। वाग्ले यसअघि सुशिल कोइराला र प्रचण्ड सरकारको पालामा गरी दुई पटक आयोगको सदस्य भइसकेका छन्।
अष्ट्रेलियन नेशनल विश्वविद्यालयबाट पिएचडी गरेका वाग्लेले हावर्ड ,लण्डन स्कुल अफ इकोनोमिक्स लगायतका विश्वविद्यालयमा अध्ययन गरेका थिए ।
प्रकाशित मितिः२०७४ साउन १९
वि.सं.२०७४ साउन १९ बिहीवार १०:४५ मा प्रकाशित
