काठमाडौ । नेपाल कम्युनिटी डेभलपमेन्ट बैंकले सेयरधनीहरुलाई १२० प्रतिशत हकप्रद जारी गर्न असोज १८ मा बुक क्लोज गर्ने भएको छ । त्यसैले असोज १७ गतेसम्म कायम सेयरधनीले कम्पनीको हकप्रद सेयरमा आवेदन दिन सक्नेछन् । १७ गते शनिबार परेका कारण सेयधनीले असोज १६ सम्ममा उक्त सेयर किनिसक्नुपर्ने हुन्छ ।
बैंकले १२० प्रतिशत हकप्रद सेयर निष्काशन गर्न धितोपत्रबाट अनुमति पाइसकेको छ । अनुमतिअनुसार बैंकले १ः१.२ को अनुपातमा १०० रुपैयाँ अंकित २६ लाख ४३ हजार ५३८.८० कित्ता हकप्रद निष्काशन गर्नेछ ।
बैंकको हकप्रद असोज २६ देखि कार्तिक २९ गते सम्म बिक्री खुल्ला हुने बैंकको धितोपत्र निष्काशन तथा बिक्री प्रवन्धक एनआर्इबिएल क्यापिटलले जनाएको छ।
बैंकको हकप्रद खरिदका लागि एनआर्इबिएल क्यापिटल लाजिम्पाट, नेपाल कम्युनिटी डेभलपमेन्टका सम्पूर्ण कार्यालयहरु, नेपाल इन्भेष्टमेन्ट बैंकका कार्यालयहरु पोखरा, विराटनगर, वीरगञ्ज, नेपालगञ्ज, नारायणगढ र धनगढीबाट आवेदन दिन सकिने छ।
प्रकाशित मितिः २०७४ असोज ८
वि.सं.२०७४ असोज ८ आइतवार ०९:४० मा प्रकाशित
