काठमाडौ । नेपाल बंगलादेश बैंक लिमिटेडले गत आर्थिक वर्षको मुनाफाबाट १२ प्रतिशत बोनस सेयर र ३.७९ प्रतिशत नगद लाभांश वितरण गर्ने प्रस्ताव गरेको छ । बैंकको ३०९ औँ संचालक समितिको बैठकले उक्त प्रस्ताव ल्याएको हो ।
साधारण सभा गर्न बैंकले कात्तिक १३ गतेदेखि साधारण सभा हुने दिनसम्म बुक क्लोज गर्नेछ । यसआधारमा, लाभांश पाउन र साधारण सभामा भाग लिन कात्तिक १२ गतेभित्र बैंकको सेयरधनी बनिसक्नुपर्नेछ । बैंकले मंसिर ३ गते साधारण सभा बोलाएको छ ।
प्रस्तावित लाभांश नेपाल राष्ट्र बैंकबाट स्वीकृत भई बैंकको आगामी साधारणसभाबाट पारित भएपछि सेयरधनीले पाउनेछन् ।
यस्तै सनराईज बैंकले कात्तिक ३० गते साधारण सभा बोलाएको छ । बैंकले गत आार्थिक बर्षको नाफाबाट सेयरधनीलाई चुक्ता पूँजीको १५ प्रतिशत बोनस सेयर वितरण गर्ने प्रस्ताव पेश गर्देछ ।
त्यस्तै संस्थापक सेयरधनी समूहबाट ३ जना सञ्चालकहरुको निर्वाचन गर्ने, बैंकको जारी तथा चुक्ता पुँजी वृद्धि, प्रबन्धपत्र र नियमावलीमा आवश्यक संशोधनका लागि सञ्चालक समितिलाई अख्तियारी प्रदान गर्ने, र संस्थागत सामाजिक उत्तरदायित्व बहन गर्दा सीमा नाघेको १३ लाख ९६ हजार ४०९ रुपैयाँ अनुमोदन प्रस्ताव रहेको छ । यसैगरि गत वर्षको नाफाबाट १ प्रतिशत रकम संस्थागत सामाजिक उत्तरदायित्वमा खर्च गर्ने व्यवस्था पारित गर्ने लगायतका रहेका छन् ।
साधारण सभाका लागि बैंकले कात्तिक १३ गतेदेखि बुक क्लोज गर्ने भएको छ । यसअनुसार कात्तिक १२ गते आईतबारसम्म सेयर खरिद गरी कायम भएका सेयरधनीले बोनस प्राप्त गर्नेछन् ।
प्रकाशित मितिः २०७४ कार्तिक ६
वि.सं.२०७४ कात्तिक ६ सोमवार १२:४९ मा प्रकाशित
