विराटनगर । टुुकीको भरमा रहँदै आएका मोरङको मिक्लाजुङ गाउँपालिकाका बासिन्दा सोलार बत्ती जडानपछि खुशी भएका छन् ।
वैकल्पिक ऊर्जा कार्यक्रमअन्तर्गत मिक्लाजुुङमा सोलार मिनिग्रिड स्थापना गरिएको हो । सरकारको रु एक करोड ६० लाखको लागतमा मिक्लाजुङ गाउँपालिका– १ मा स्थापना गरिएको सोलार मिनिग्रिडबाट ७० घरपरिवार लाभाविन्त भएका छन् ।
विद्युत्को राष्ट्रिय प्रसारण लाइन पुुग्न नसकेको उक्त स्थानमा ३० किलोवाटको सोलार मिनिग्रिड सञ्चालनमा आएको हो । मिनिग्रिडबाट उत्पादित विद्युुत् पोल तानेर पाँच किलोमिटर क्षेत्रमा विस्तार गरिएको छ । मिनिग्रिड सञ्चालनमा आएपछि अहिले घर घरमा तथा सडकमा पोल राखेर सौर्यबत्ती जडान गरिएको छ ।
पर्यटकीय क्षेत्रको रुपमा चिनेने रमिते बजारमा सोलारबाट बिजुुली आएपछि स्थानीयवासी खुशी भएका छन् । विगत १५ वर्षदेखि सो ठाउँमा होटल सञ्चालन गर्दै आउनुुभएकी कर्णमाया राईले सौर्यबत्ती जडानपछि व्यापारव्यवसायमा वृद्धि भएको बताए । रासस
प्रकाशित मितिः २०७४ कार्तिक १५
वि.सं.२०७४ कात्तिक १५ बुधवार १४:४१ मा प्रकाशित
