काठमाडौ । नेपाल धितोपत्र बोर्डले ३ वटा कम्पनीलाई हकप्रद निष्काशन गर्ने अनुमति प्रदान गरेको छ । १ डेभलपमेन्ट बैंक, १ इन्सुरेन्स कम्पनी र १ फाइनान्स कम्पनीलाई बोर्डले अनुमति दिएको हो ।
धितोपत्र बोर्डले सांग्रिला डेभलपमेन्ट बैंकलाई ८० प्रतिशत हकप्रद निष्काशन गर्न अनुमति दिएको छ । बैंकले १०ः८ अनुपातमा १०० रुपैयाँ दरको १ करोड ८ लाख ६७ हजार ७९८.५० कित्ता अर्थात १ अर्ब ८ करोड ६७ लाख रुपैंया बराबरको सेयर बिक्री गर्न लागेको हो । सांग्रिलाको हकप्रदमा प्रभु क्यापिटलले बिक्री प्रबन्धकको काम गर्नेछ ।
त्यस्तै प्रुडेन्सियल इन्सुरेन्स कम्पनीले १ः०.३ अनुपातमा १०० रुपैयाँ दरको १२ लाख ८३ हजार ४० कित्ता अर्थात १२ करोड ८३ लाख रुपैंया बराबरको हकप्रद सेयर बिक्री गर्न लागेको हो । प्रुडेन्सियलको यो हकप्रदमा एनआइसी एसिया क्यापिटलले बिक्री प्रबन्धको काम गर्नेछ । बिमा समितिले तोके अनुसारको चुक्ता पुँजी बढाउने अभियानमा रहेको प्रुडेन्सियल इन्सुरेन्सले २० प्रतिशत बोनस सेयर र १.०५५ नगद लाभांश दिने घोषणा गरीसकेको छ । कम्पनीले मंसिर १ मा हुने साधारण सभामा उक्त प्रस्ताव लैजाँदैछ ।
सेन्ट्रल फाइनान्सले पनि बोर्डबाट हकप्रद निष्काशनको अनुमति पाएको छ । सेन्ट्रलले बोर्डबाट ५० प्रतिशत हकप्रद बिक्री गर्ने अनुमति पाएको हो । फाइनान्सले २ः१ अनुपातामा १०० रुपैयाँ दरको २६ लाख ३ हजार ३१४.०८ कित्ता अर्थात २६ करोड ३ लाख बराबरको सेयर बिक्री गर्न लागेको हो । सेन्ट्रलको हकप्रदमा एनआइबिएल क्यापिटल मार्केटले बिक्री प्रबन्धकको काम गर्नेछ ।
बोर्डले कार्तिक २३ गते यी तीनै कम्पनीलाई हकप्रद निष्काशनको लागि अनुमति दिएको हो ।
प्रकाशित मितिः २०७४ कार्तिक २७
वि.सं.२०७४ कात्तिक २७ सोमवार १२:०२ मा प्रकाशित
