काठमाडौँ। नेपाल धितोपत्र बोर्डबाट प्रभु बैंकले हकप्रद निष्काशनको अनुमति पाएको छ । बैंकले दुई अर्ब ३५ करोड २५ लाख ६० हजार आठ सय रुपैयाँ बराबरको दुई करोड ३५ लाख २५ हजार ६०८ कित्ता हकप्रद निष्कासनको अनुमति पाएको हो। बैंकको चालु आर्थिक बर्षको पहिलो त्रैमासिक वित्तीय विवरण अनुसार चुक्ता पूँजी पाँच अर्ब ८८ करोड रुपैयाँ पुगेको छ।
बैंकले कायम पूँजीको ४० प्रतिशत हकप्रद निस्कासन गर्न लागेको हो। बैंकले बोर्डमा हकप्रद निष्कासनको लागि आबेदन दिएको एक वर्षपछि अनुमति पाएको हो। बैंकले गत वर्ष मंसिर १ गते आबेदन दिएको थियो। केहि समयअघि बोर्डले हकप्रद निष्कासनका लागि थप कागजात माग गरेको थियो।
बैंकले पहिलो त्रैमासमा २५ करोड रुपैयाँ खुद मुनाफा आर्जन गरेको छ। हकप्रद निष्कासनपछि बैंकको चुक्ता पूँजी आठ अर्ब नाघ्ने छ।
वि.सं.२०७४ पुस ६ बिहीवार १४:१५ मा प्रकाशित
