काठमाडौ । धितोपत्र बोर्डले नयाँ स्टक एक्सचेञ्ज स्थापना गर्नका लागि अर्थ मन्त्रालयलाई पत्राचार गरेसँगै एकाएक चर्चामा आएको नयाँ स्टक एक्चेञ्जको निर्णयको जिम्मा धितोपत्र बोर्डले नै पाएको छ । बोर्डले गत कात्तिकमा नयाँ स्टक एक्सचेन्ज सञ्चालन गर्न स्वीकृति माग गर्दै अर्थ मन्त्रालयलाई पत्राचार गरेको थियो ।
उक्त पत्रको जवाफमा नयाँ स्टक एक्सचेञ्ज खोल्ने सम्बन्धमा आफैं निर्णय गर्न अर्थ मन्त्रालयले धितोपत्र बोर्डलाई बाटो खोलिदिएको छ । मन्त्रालयले प्रचलित कानुनी व्यवस्था अनुसार आफैं आवश्यक निर्णय गर्न धितोपत्र बोर्डलाई आग्रह गरेको हो ।
योसँगै अब नयाँ स्टक एक्सचेञ्ज खोल्नका लागि धितोपत्र बोर्डलाई बाटो खुल्ला भएको छ ।यद्यपी बोर्डले अझै पनि नयाँ स्टक एक्सचेञ्ज ल्याउन दिने कि नदिने भन्ने निर्णय गरिसकेको छैन ।
बोर्डको उक्त प्रस्तावमा आफैं निर्णय गर्नका लागि अर्थले बाटो खुल्ला गरेको अर्थमन्त्रालयले जनाएको छ । ‘धितोपत्र सम्बन्धि सबै निर्णय गर्ने व्यवस्था ऐनमा उल्लेख भैसकेको छ । सोही व्यवस्था अनुसार निर्णयमा गर्न मन्त्रालयले बोर्डसँग आग्रह गरेको हो ।
धितोपत्र सम्बन्धि ऐन २०६३ ले पूँजी बजारका सम्बन्धमा निर्णय गर्ने व्यवस्था गरेको छ ।धितोपत्र बोर्डले भने ‘मन्त्रालयबाट जवाफ आइसकेको अवस्थामा नयाँ स्टक खोल्ने सम्बन्धमा बोर्डले सञ्चालक समितिको बैठकबाट थप निर्णय गर्ने बताएको छ ।
२०७४ माघ २४ गते प्रकाशित
वि.सं.२०७४ माघ २४ बुधवार १८:३८ मा प्रकाशित
