काठमाडौ । ज्योति लाईफ इन्स्योरेन्सले ६६ लाख कित्ता साधारण सेयर आइपिओ जारी गर्ने प्रक्रिया अगाडी बढाएको छ । इन्स्योरेन्सले अघिल्लो महिना आइपिओ जारी गर्ने प्रस्ताव पारित गरेको थियो ।
आइपिओ निष्काशन पश्चात कम्पनीको चुक्ता पुँजी दुई अर्ब रुपैया नाघ्नेछ । जारी आइपिओ समेत गरी कम्पनीमा संस्थापक सेयर ७० प्रतिशत र साधारण सेयर ३० प्रतिशतको अनुपातमा रहनेछ ।
कम्पनीले ६६ करोड रुपैया बराबरको सेयर बाँडफाँडको लागि एनएमबि क्यापिटललाई बिक्रि प्रबन्धक तोकेको छ । बिक्रि प्रबन्धकको सम्झौता पत्रमा बुधबार कम्पनीका प्रमुख कार्यकारी अधिकृत प्रकाश विक्रम खत्री र क्यापिटलका प्रमुख कार्यकारी अधिकृत श्रीजेश घिमिरेले हस्ताक्षर गरेका छन् ।
गत असोज ८ गतेदेखि कारोबार सुरु गरेको कम्पनीले बैशाख १४ गते दर्ता भएसंगै असार २० गते इजाजतपत्र पाएको थियो । ज्योति लाईफको अध्यक्ष पशुपती मुरारका रहेका छन् ।
एनआईसी एसिया बैङ्क समेत प्रबद्र्धक रहेको कम्पनीको प्रधान कार्यालय काठमाडौ र रजिस्टर्ड कार्यालय पोखरामा रहनुका साथै विभिन्न ठाँउमा १० वटा शाखा सञ्चालनमा रहेका छन् ।
२०७४ फगुन ९ गते प्रकाशित
वि.सं.२०७४ फागुन ९ बुधवार २०:३७ मा प्रकाशित