काठमाडौँ । एक सातामा नेपालले पहिलो सिइओ अफ दि इयर पाउने भएको छ । अर्थ तथा ब्यवसायीक क्षेत्रमा निकै चर्चामा रहेको यो अवार्ड पहिलो पटक नेपालमा आयोजना हुन लागेको हो ।
पपुलर सिइओ अफ दि इयर बिधाका लागी नेपाल बिद्युत प्राधिकरणका प्रबन्ध निर्देशक कुलमान घिसिङ्ग देखी उद्योगी ब्यवसायी उपेन्द्र महतो तथा सफल बैंकर्स अनिल शाहको सम्मको प्रतिस्पर्धाले चर्चा पाएको हो ।
काठमाडौको होटल सोल्टीमा फागुन ३० गते एक भब्य कार्यक्रमकाबीच अवार्ड प्रदान गर्न लागिएको हो । ६ वटा बिधामा प्रदान गर्न लागिएको अवार्डको अन्य ५ बिधाको भने जूरी कमिटीले छनौट गरिरहेको र पपुलर सिइओ अफ दि इयरका लागी भने पब्लीक भोटिङ्ग मार्फत फाईनल गर्ने आयोजकले जनाएको छ ।
नेपाल कै ठुला घराना, उद्योगी, ब्यवसायी देखि नेपाल बिद्युत प्राधिकरणका प्रवन्ध निर्देशकसम्म यस बिधामा नोमिनेशनमा परेका हुन् । यस बिधामा १६ जना नोमीनी बिच प्रतिस्पर्धा रहनेछ । पपुलर सिइओ अफ दि इयरको अवार्डका लागी अनलाईन भोटिङ्ग ५० प्रतिशत तथा मोवाइल भोटिङ्ग ५० प्रतिशत गरी सर्वाधिक भोट पाउने ब्यक्तिलाई अवार्ड प्रदान गरिने जनाइएको छ ।
नेपाल सिइओ समिट तथा अवार्ड कार्यक्रम नाम दिइएको कार्यक्रम नेपाल लगायत १७ देशका करिब ३०० अर्थ तथा ब्यवसाय जगतमा कृयाशिल तथा सफल सिईओ, चेयरपर्सन, डाइरेक्टर तथा म्यानेजिङ डाइरेक्टरहरुको सहभागी रहने छ ।
२०७४ फागुन २४ गते प्रकाशित
वि.सं.२०७४ फागुन २४ बिहीवार १६:३७ मा प्रकाशित
