काठमाडौ । उन्नती माक्रोफाइनान्सले १ करोड ३७ लाख रुपैँया बराबरको हकप्रद प्रस्ताव गरेको छ । फागुन २९ बसेको कम्पनीको सञ्चालक समितिको बैठकले उक्त प्रस्ताव गरेको हो ।
२ महिना अगाडी मात्रै ६५ लाख रुपैँया बरारबको आइपिओ निष्काशन गरेको कम्पनीले उक्त आइपिओले समेत पाउने गरि हकप्रद प्रस्ताव गरेको हो । कम्पनीको आइपिओको बाँडफाँड भईसकेको छ ।
कम्पनीको आइपिओ नेप्सेमा सूचीकृत भई दोस्रो बजारमा कारोबार शुरु भइसकेको छ । कम्पनीले प्रस्तावित हकप्रद पारित गर्न चैत्र २१ गते बार्षिक साधारणसभा बोलाएको छ ।
हकप्रद पारितको लागि कम्पनीले चैत्र ७ गते शेयरधनी दर्ता पुस्तिका बन्द गर्ने निर्णय समेत गरेको छ । आइपिओ निष्कासन पश्चात ५ करोड ५० लाख पुगेको कम्पनीको चुक्ता पूँजी २५ प्रतिशत हकप्रद पश्चात ६ करोड ८७ लाख रुपैँया पुग्नेछ ।
कम्पनीको चैत ६ गतेसम्म कायम रहेका सेयरधनीले हकप्रदमा आवेदन दिन पाउनेछन् । रुपन्देहीमा मुख्य कार्यालय रहेको कम्पनीको लुम्बिनी अञ्चलको ५ जिल्ला सहित १० जिल्लामा वित्तिय सेवा दिइरहेको छ ।
२०७४ चैत १ गते प्रकाशित ।
वि.सं.२०७४ चैत १ बिहीवार ०९:३० मा प्रकाशित