काठमाडौं। ट्राफिक प्रहरीले स्वरुप परिवर्तन गरी सवारी चलाउने एकसय १० मोटरसाइकललाई नियन्त्रणमा लिएको छ ।महानगरीय ट्राफिक प्रहरी महाशाखाबाट खटिएको टोलीले स्वरुप परिवर्तन गरी ठूलो आवाज बनाएर गुडाउने एकसय १० बुलेट मोटरसाइकललाई नियन्त्रणमा लिएको हो ।
महाशाखाका प्रमुख सर्वेन्द्र खनालले ठूलो आवाज निकालेर कोलाहल मच्चाउँदै हिँड्ने सवारीमाथि कारबाहीका लागि विशेष अभियान थालिएको जानकारी दिनुभयो।
“ठूलो आवाज निकालेर सडक नै आफ्नो मात्र हो भन्दै हिँड्ने मोटरसाइकल चालकलाई नियन्त्रणमा लिएका हौँ”, उहाँले भन्नुभयो।
महाशाखाले यस्ता मोटरसाइकललाई अझै नियन्त्रणमा लिने जनाएको छ । महाशाखाले स्वरुप परिवर्तन गरेर सवारी चलाउनेलाई पाँच हजार रुपैयाँ जरिवाना गर्दै आएको छ ।
२०७४ चैत ५ गते प्रकाशित
वि.सं.२०७४ चैत ५ सोमवार १४:२२ मा प्रकाशित
