चितवन । चितवनको ग्रामिण भेग माडीमा प्रदेश नम्बर ३ का मुख्यमन्त्री डोरमणि पौडेललाई भव्य स्वागत गरिएको छ ।
माडी नगरपालिकाका मेयर ठाकुर ढकाल तथा माडीवासीले मुख्यमन्त्री पौडेलसगैँ भुमिव्यवस्था, कृषि तथा सहकारी मन्त्री दावा लामा, प्रदेश सासंद विजय सुवेदी, कञ्चन खनाल लगायतलाई स्वागत गरेका हुन् ।
सो अवसरमा राज्यमा धेरै परिर्वतन भएपछि माडी सधै ओझेलमा परेको भन्दै चितवन राष्टिय निकुञ्जका कारण माडीवासीले धेरै समस्या भोग्नु परेको समस्याका बारेमा मेयर ढकालले गुनासो सुनाएका थिए ।
उनले निकुञ्जले अबका दिनमा माडीवासीका डोका, माछा र मासु लैजान रोक लगाए कडा आन्दोलन गर्ने चेतावनी दिए ।
जंगली राहत होईन् क्षतिपूर्ती दिनुहोस् उनले भने यहाँबाट किसान आफुले उत्पादन गरेको बस्तु लैजान अब रोकिन्छ भने, डोलो, उत्पादन गरेको माछा र पाकाएको मासु लिएर माडीबासीसगैँ आन्दोलनमा होमिनेछु ।
उनले निकुञ्जको मातहत हामीले काम गर्नुपर्ने हुदाँ विभिन्न बाधाअड्चनका कारण आफुहरु सास्ती खेपेको भन्दै मौजुदा ऐनलाई संसोधन गर्न माग गरेका छन् । साथै प्रदेश सरकारले माडीको पुष्पलाल पार्क, एकता स्तम्भ, सहिद पार्क, मगुई खोला र कान्तिपुरको खरखटा खोला व्यवस्थापन गरि ५ योजनालाई प्रदेश योजनामा समावेश गर्न आग्रह गरेका छन् ।
सो अवसरमा बाल्दै निकुञ्जका प्रमुख संरक्षण वेदप्रसाद खड्काले निकुञ्जले धेरै ऐन संसोधन गरेकोमा निकुञ्ज विभागले नै माडी नगरपालिका हेर्नुपर्छ भनि बढी जिम्मेवारी बनेको बताउदै माडीवासीलाई निकुञ्जले अप्ठारो नपार्ने बताए ।
कृषि उत्पादनलाई रोक्ने काम हामीले गरेका छैनौ उनले भने यदि कसैले गरे सेनाका कर्नेल र मलाई खबर गर्नुहोस्, कृषि उत्पादन रोकिदैन् ।
२०७४ चैत १२ गते प्रकाशित
वि.सं.२०७४ चैत १२ सोमवार ०९:४४ मा प्रकाशित