जनकपुर । भौतिक पूर्वाधार तथा यातायातमन्त्री रघुवीर महासेठले जनकपुर चुरोट कारखाना पुनःसञ्चालनको वातावरण निर्माणमा सहयोग गर्न प्रदेश सरकारसँग आग्रह गरेका छन् ।
धनुषाको मिथिला नगरपालिका र बटेश्वर गाउँपालिकामा शनिवार आयोजित स्वागत सम्मान समारोहमा उनले सो आग्रह गर्नु भएको हो । प्रदेश सरकारले कारखाना परिसरमा सञ्चालन गरिहेका कार्यालय र आवासलाई कारखानाभन्दा अन्यत्र व्यवस्थापन गर्न आग्रह गर्दै उनले जनकपुर चुरोट कारखाना पुनः सञ्चालन गर्न सरकारले गृहकार्य गरिहेको छ बताए ।
उनले मिथिला नगरपालिकामा सडक, पुलपुलेसा निर्माणबारे विज्ञबाट स्थलगत सर्वेक्षण कार्य सम्पन्न भएको र लालगढ–सिन्धुली सडक निर्माण कार्य अगाडि बढाउने तयारी भइरहेको बताए ।
२०७४ चैत १८ गते प्रकाशित
वि.सं.२०७४ चैत १८ आइतवार ११:०५ मा प्रकाशित
