काठमाडौं । सिभिल बैंकको ३१ लाख २१ हजार ६००.२५ कित्ता संस्थापक सेयर लिलामी भर्न अब ३ दिन मात्र समय छ । बुधबार चैत २१ गते कार्यालय समयसम्म भित्र इच्छुक व्यक्ति तथा संस्थाले बोलपत्र फारम बुझाइसक्नुपर्नेछ । चैत १४ गतेदेखि लिलामीमा ल्याइएको यो सेयरमा सर्वसाधारण लगानीकर्ताले समेत आवेदन दिन पाउनेछन् । यसअघि बैंकले फागुन २३ देखि चैत १ गतेसम्म संस्थापक समूहको ३२ लाख ४४ हजार ६००.२५ कित्ता र सर्वसाधारण समूहको ९ लाख ९४ हजार ३५८.७५ कित्ता सेयर लिलामी बिक्री खुला गरेको थियो ।
जसमध्ये संस्थापक समूहको ३१ लाख २१ हजार ६००।२५ कित्तामा आवेदन नपरेपछि फेरि सर्वसाधारणले पनि किन्न पाउने गरी बिक्री खुला गरिएको हो । बिक्री प्रबन्धक लक्ष्मी क्यापिटल नयाँ वानेश्वर, काठमाडौंबाट बोलपत्र फारम लिन र बुझाउन सकिनेछ । न्यूनतम १०० रुपैयाँलाई आधार मानेर बोलकबोल गर्नुपर्नेछ ।
न्यूनतम १०० कित्तादेखि १० ले भाग जाने संख्यामा अधिकतम सबै कित्तामा आवेदन दिन पाइनेछ । बोलपत्र चैत २२ गते सिभिल बैंक लिमिटेड कमलादी, काठमाडौंमा बिहान ११ बजे खोलिनेछ । हाल सिभिलको चुक्ता पुँजी ५ अर्ब १८ करोड ५२ लाख २२ हजार रुपैयाँ छ । अब चुक्ता पुँजी ७ अर्ब २५ करोड ९३ लाख १० हजार ३६२ रुपैयाँ पुग्नेछ ।
२०७४ चैत १९ गते प्रकाशित
वि.सं.२०७४ चैत १९ सोमवार १८:१४ मा प्रकाशित