काठमाडौं । गोरखाबाट काठमाडौं आउने क्रममा दुर्घटनाग्रस्त हेलिकप्टरमा यात्रारत ६ जनाको मृत्यू भएको छ भने एकजना जीवितै भेटिएकी छन् ।
अल्टिच्युड एयरको हेलिकोप्टर शनिबार बिहान नुवाकोटमा दुर्घटना एक चालकसहित ७ यात्री रहेका थिए ।
हेलिकोप्टरका पाइटलसहित ६ जनाको मृत्यु भए पनि डोल्मा आनी भने जीवितै भेटिएकी छिन् । उनको उद्दार प्रयास भइरहेको प्रहरीले जनाएको छ ।
हेलिकोप्टरमा रामेछापका ४० वर्षीय दिल्ली बहादुर गुरुङ, दोलखाका ३७ वर्षीय हिरा शेर्पा, गोर्खाको चुमनुब्री गाउँपालिका २ का ल्हो आनी डोल्मा डिकी, गोर्खाको सामागाउँ चुमनुब्री सम्दो १ का छोवाङ नुर्बु, सिन्धुपाल्चोकका २२ वर्षीय सुनिल तामाङ, पाइलट निश्चल केसी र जापानी नागरिक हिरोमी कोमात्सु थिए ।
गोरखाको सामागाउँबाट काठमाडौंका लागि उडेको अल्टिच्यूड एयरको हेलिकप्टर नुवाकोटको मेघाङ्ग गाँउपालीका–१ बर्सुन्चेत नजीकै मैलुमब्रा भन्ने डाँडाँमा दुर्घटनामा परेको थियो ।
२०७५ भदौ २३ गते प्रकाशित
वि.सं.२०७५ भदौ २३ शनिवार १५:४१ मा प्रकाशित
