काठमाडौं । सुनको मूल्य दिनहुँ बढदै गएको छ । एक तोला सुन किन्न ५८ हजार सात सय तिर्नु पर्ने भएको छ । एक हप्ता भित्रमै सुनको मूल्य दुई हजार भन्दा बढीले बढ्न पुगेको छ । विवाहको मौसम भएकाले सुनको मूल्य यति धेरै बढेको सरोकारबालाहरुको भनाइ छ ।
सुनको मूल्य अझै बढ्ने अनुमान गरिएको छ ।
यसअघिको उच्च मूल्यलाई पच्छाउँदै सुनको भाउ बढ्दै गएको छ । गत कात्तिकमा ६ वर्ष यताकै सुनको मुल्यमा उच्च भएको थियो । त्यसबेला सुनको मूल्य प्रतितोला ६० हजार चार सय पुगेको थियो ।
नेपाल सुनचाँदी व्यवसायी महासंघका अनुसार अमेरिकी डलरको तुलनामा भारु कमजोर भएका कारणले आन्तरिक बजारमा पहेँलो धातुको मूल्य बढेको हो ।
२०७५ मंसिर २१ गते प्रकाशित
वि.सं.२०७५ मंसिर २१ शुक्रवार ०९:४८ मा प्रकाशित