काठमाडौं । विदेशमा जाने ६ लाख ४८ हजार नेपाली बिमा गरेका छन् । बिमा समितिका अनुसार बिदेशमा जानेले अनिवार्य बिमा गर्नु पर्ने प्रवधानका कारण बिमा गर्नेको संख्या बढेको हो ।
नेपालमा रहेका ४३ लाख ४३ हजारले नेपाली नागरिकले पनि बिमा गरेका छन् । नेपालमै रहेका कुल नेपाली मध्ये १४ प्रतिशतले मात्र बिमा गरेका छन् । बिदेशमा गएका समेत जोडने हो भने कुल नेपाली मध्ये १६ प्रतिशत नागरिकले बिमा गरेको बिमा समितिको तथ्यांकले देखाएको छ ।
बिमा समितिले गत असारसम्मको बिमालेख (पोलिसी) बिक्रीका आधारमा यो तथ्यांक सार्वजनिक गरेको हो । पछिल्लो समय बिमा गर्ने बढेका समितिको भनाइ छ । बिमा समितिका अनुसार दुई वर्षअघि बिमा गर्ने नागरिक सात प्रतिशतमात्र थिए । अहिले त्यो संख्या दुई गुणाले बढेको छ । दुई वर्षको बीचमा दुई गुणाले बिमा गर्ने बढेका छन् ।
कुल बिमा गर्नेमध्ये पाँच प्रतिशतले दोहोरो–तेहरो बिमालेख खरिद गर्ने गर्छन् भन्ने अन्तर्रा्ष्ट्रिय मान्यता छ । तिनीहरुलाई छाड्दा पनि विदेशमा गएका समेतलाई जोड्दा १६ प्रतिशत नागरिकले बिमा गरेको देखिएको बिमा समितिको भनाइ छ । विकसित मुलुकमा कुल जनसंंख्याको ९५ प्रतिशतभन्दा बढीले बिमा गर्ने गर्छन् ।
२०७५ पौष ९ गते प्रकाशित
वि.सं.२०७५ पुस ९ सोमवार १५:५७ मा प्रकाशित
