काठमाडौं । सेञ्चुरी बैंकले आजदेखि निकै ठूलो परिमाणमा नबिकेको सेयरको लिलामी खुलाएको छ । यो बैंकले हकप्रद सेयर निश्कासनको क्रममा बिक्री नभएको १८ लाख ७० हजार २ सय ७४ कित्ता सेयर लिलामीमा राखेको हो ।
लिलामीमा न्यूनतम १०० रुपैयाँलाई अधार मानेर बोलपत्र पेश गर्नुपर्नेछ । नेप्सेमा सेन्चुरीको बिहीबारको अन्तिम कारोबार मूल्य भने प्रतिकित्ता १७२ रुपैयाँ छ । यसमा न्यूनतम १०० कित्तादेखि १० अंकले भाग जाने संख्यामा अधिकतम सबै कित्ताका लागि बोलपत्र पेश गर्न सकिन्छ ।
लिलामी भर्ने अन्तिम म्याद पुस २५ गते तोकिएको छ । बिक्री प्रबन्धक सिभिल क्यापिटल, सुन्धारा काठमडौं तथा सेन्चुरी बैंकका विराटनगर, धरान, वीरगञ्ज, नारायणगढ, पोखरा, बुटवल, नेपालगञ्ज, धनगढी, बिर्तामोड र हेटौंडा शाखामा बोलपत्र पेश गर्न सकिनेछ ।
बैंकले यसअघि ४० प्रतिशत हकप्रद सेयर निश्कासन गरेको थियो । सोही क्रममा बिक्री नभएको सेयर लिलामीमार्फत बिक्री गर्न लागेको हो । दोश्रो बजारमा सेञ्चुरीको साधारण सेयरको अन्तिम बिक्री मूल्य रु १७२ र संस्थापक सेयरको प्रतिकित्ता मूल्य रु. १४५ रहेको छ ।
२०७५ पौष १८ गते प्रकाशित
वि.सं.२०७५ पुस १८ बुधवार १४:२२ मा प्रकाशित
