काठमाडौं । जनता बैंकले मर्चेन्ट बैंकरको पनि काम गर्ने भएको छ । धितोपत्र बोर्डले जनता बैंकको शतप्रतिशत लगानी रहने गरी जनता क्यापिटल सञ्चालन गर्न अनुमति दिएको हो । जनता क्यापिटलले धितोपत्र निष्कासन तथा प्रबन्धन, धितोपत्र प्रत्याभूति तथा सेयर रजिष्ट्रेसनको काम गर्नेछ ।
यसैगरी, लगानी व्यवस्थापन तथा संस्थागत परामर्श सेवा पनि यसले उपलब्ध गराउनेछ । का.म.न.पा.वडा नं. ११ थापाथलीमा कार्यालय रहेको जनता क्यापिटल लिमिटेडको आफ्नो उदेश्य अनुरुपको व्यवसाय अगाडी बढाउन सम्पूर्ण पुर्वाधार तयार भइसकेको बैंकले बताएको छ ।
२०७५ पौष ८ गते प्रकाशित
वि.सं.२०७५ माघ ८ मंगलवार ११:११ मा प्रकाशित
