काठमाडौं । सिभिल बैंकको खुद नाफा करिव ५० प्रतिशतले बढेको छ । चालु आर्थिक वर्षको दोस्रो त्रैमासमा ३५ करोड ९७ लाख रुपैयाँ खुद नाफा आर्जन गरेको छ । बैंकले गत आर्थिक वर्षको दोस्रो त्रैमासमा बैंकको खुद नाफा २४ करोड एक लाख रुपैयाँ रहेको थियो ।
बैंकको वित्तीय विवरण अनुसार बैंकको चुक्ता पूँजी ८ अर्ब ३३ लाख रुपैयाँ पुगेको छ । पूँजी वृद्धिको बाबजुत बैंकले व्यवसायको आकार बढाएर ६० प्रतिशत बढी ब्याज आम्दानी गर्दा मुनाफामा सुधार भई इपिएस बढ्न पुगेको छ ।
गत आवको पुस मसान्तसम्ममा बैंकको बैंकको प्रतिशेयर आम्दानी वार्षिक ८ रुपैयाँ ३४ पैसा रहेकोमा चालू आवको यसै अवधिमा ९ रुपैयाँ १ पैसा कायम भएको छ । यद्यपी बैंकको प्रतिशेयर नेटवर्थ भने १३ रुपैयाँ घटेर १३३ रुपैयाँ ९३ पैसा रहेको छ भने मूल्यआम्दानी अनुपात १७.०९ गुणा बढी छ ।
यस त्रैमासमा बैंकको निष्कृय कर्जा अनुपातमा सुधार भएको छ । गत वर्ष पुस मसान्तमा बैंकमा ४.५२ प्रतिशत निष्कृय कर्जा अनुपात रहेकोमा यस पुस मसान्तमा ३.५४ प्रतिशतमा घटेको छ ।
२०७५ फागुन १ गते प्रकाशित
वि.सं.२०७५ फागुन १ बुधवार ०९:५० मा प्रकाशित