काठमाडौं । कृषि विकास बैंकले चैत १५ गते वार्षिक साधारण सभा गर्ने भएको छ । बैंक सञ्चालक समितिको फागुन १ गते सम्पन्न ७३६ औं बैठकले चैत १५ गते कृषि विकास बैंकको केन्द्रीय तालिम केन्द्र बोडे भक्त्तपुरमा सभा आह्वान गर्ने निर्णय गरेको हो ।सभामा सर्वसाधारण सेयरधनीलाई ६ प्रतिशत बोनस सेयर र १५.०५३ प्रतिशत नगद गरी कुल २१.०५३ प्रतिशश लाभांश दिने प्रस्ताव पेश हुनेछ ।
बैंकले सरकारको अग्राधिकार शेयर वापतको ६ प्रतिशत नगद लाभांश प्रस्ताव पारित गर्नेछ । गत आर्थिक वर्ष २०७४र७५ मा बैंकले तीन अर्ब ६७ करोड ३२ लाख रुपैयाँ वितरणयोग्य मुनाफा आर्जन गरेको थियो । यहि नाफाबाट बैंकले लाभांश बाँड्नेछ । बैंकले चालु आर्थिक वर्षको दोस्रो त्रैमासमा १ अर्ब ३६ करोड ४२ लाख ९४ हजार रुपैयाँ खुद नाफा कमाएको छ । हाल यसको चुक्ता पुँजी १३ अर्ब ९३ करोड ७९ लाख २८ हजार रुपैयाँ छ । कृषिको प्रतिसेयर आम्दानी २८ रुपैयाँ २५ पैसा छ ।
२०७५ फागुन ३ गते प्रकाशित
वि.सं.२०७५ फागुन ३ शुक्रवार १३:५७ मा प्रकाशित
