काठमाडौं । चेम्बर अफ कमर्शका अध्यक्ष डा. राजेश काजी श्रेष्ठले महिलालाई आर्थिक शसक्तिकरणका लागि चेम्बर अफ कमर्शले सहजीकरणको कार्य गर्ने दाबी गर्नुभएको छ । नेपाल महिला चेम्बरले काठमाडौंमा आयोजना गरेको नयाँ वर्ष २०७६ को अवसरमा शुभकामना आदान प्रदान कार्यक्रममा उहाँले महिलाद्वाारा उत्पादित सामानको व्यापारको लागि भारत र चीनले सहयोग गर्ने भएकाले अन्तराष्ट्रिय क्षेत्रमा नेपाली महिलाद्धारा उत्पादित सामाग्रीको स्थान हुने जानकारी दिनुभयो । नेपालको जुनसुकै स्थानमा महिलाद्धारा उत्पादित सामाग्रीको बजार प्रबद्र्धनमा नेपाल महिला चेम्बरले सहयोग गर्नुपर्नेमा जोड दिनुभयो ।
नेपाल महिला चेम्बरले नयाँ वर्षको अवसरमा शुभकामना आदानप्रदान गर्नुका साथै क्यालेण्डर समेत विमोचन गरेर वितरण कार्य शुरु गरिएको छ । कार्यक्रममा नेपाल महिला चेम्बरका अध्यक्ष उर्मिला श्रेष्ठले महिला उद्यमीको पक्षपोषकका रुपमा नेपाल महिला चेम्बर अफ कमर्शले कार्य गदै आएको छ । यसलाई निरन्तरता दिने बताउनुभयो ।
कार्यक्रममा क्यान्सर र मुटु रोगजाँचको स्वास्थ्य शिविर समेत गरिएको थियो । जसमा चेम्बर अफ कमर्शका पदाधिकारी, कर्मचारी र सर्वसाधारणका लागि खुला गरिएको थियो । यसैगरी कार्यक्रममा नेपाल उत्पादकत्व तथा आर्थिक विकास केन्द्रका महाप्रबन्धक अञ्जना ताम्राकारलाई महिला उद्योगशिलताको विकासका लागि योगदान गरेको माफत सम्मान पत्रद्धारा सम्मानित गरिएको थियो कार्यक्रमको संयोजक राज्यलक्ष्मी सिंहले कार्यक्रममा उपस्थितलाई स्वागत गर्नुभएको थियो ।
२०७६ बैशाख १ गते प्रकाशित
वि.सं.२०७६ वैशाख २ सोमवार ११:०९ मा प्रकाशित
