काठमाडौं । महिलाहरु माथि दिनदहाडै तिखो वस्तुले रोपेर आक्रमण भएको घटनाले बजारमा सनसनि मच्चाएको छ । महिलाहरुमाथि सिरिन्ज आक्रमणको घटना बाहिर आएसँगै शृङ्खलाबद्ध सिरिन्ज आक्रमणमा संलग्न एक युवालाई प्रहरीले पक्राउ गरेको छ । उक्त युवालाई काठमाडौंको महाराजगञ्जबाट गएराति साढे १२ बजे पक्राउ गरिएको महानगरीय प्रहरी परिसर काठमाडौंका डीएसपी होविन्द्र बोगटीले जानकारी दिएका छन् ।
अहिलेसम्म काठमाडौं उपत्यकामा चारजना युवतीहरुले आफूमाथि सिरिन्ज जस्तो बस्तुले आक्रमण गरेको भन्दै प्रहरीमा उजुरी दिएका छन् । युवतीहरुलाई जथाभावी सूई घोच्दै हिँड्ने रामेछाम घर भइ हाल महाराजगन्जमा रेस्टुरेन्ट चलाउने सन्तोष कार्कीलाई प्रहरीले पक्राउ गरेको हो।
हाल नैकापमा बस्दै आएका कार्की बा ४७ प १३३१ नम्बरको मोटरसाइकलसहित पक्राउ परेका हुन। कार्कीलाई शुक्रबार बिहान प्रहरीले सार्वजनिक गरेको छ।उनले बयानमा ढलानको काँटी प्रयोग गरेर घोच्ने गरेको बताएका छन्।उनले महाराजगन्जको रेष्टुरेन्ट बन्द गरेर ९र१० बजेतिर ढल्कुको बाटो हुँदै नैकाप घर जानेबेला घोच्ने गरेको बयान दिएका छन्। उनले प्रारम्भिक बयानमा आफ्नो अपराध स्वीकार गर्दै रमाइलोका लागि त्यस्तो गरेको बताएका थिए। उनी ५ वर्ष दुबई बसेर फर्किएका व्यक्ति भएको खुल्न आएको छ ।
२०७६ असार १३ गते प्रकाशित
वि.सं.२०७६ असार १३ शुक्रवार ११:२२ मा प्रकाशित