काठमाडौं । नेपाल महिला संघ तदर्थ जिल्ला कार्यसमिति डडेल्धुराका सदस्यहरुमाथि नेपाली काँग्रेस डडेल्धुराका पदाधिकारीहरुद्धारा गालिगलौजका साथै कुटपिट भएको छ ।
नेपाली काँग्रेस डडेल्धुरा पार्टी कार्यालयमा तदर्थ जिल्ला कार्यसमितिको बैठक संचालन भैरहेको समयमा नेपाली काँग्रेस डडेल्धुराका सभापति कर्णबहादुर मल्लका स्वकिय सचिव रामबहादुर विष्ट लगायतको टोलिले कार्यसमितिका सदस्यहरुमाथि गालिगलौजका साथ हातपात गरेको हो ।
गालिबेइज्जति साथै कुटपिट गर्नेहरुमा जिल्ला सभापति कर्णबहादुर मल्लाका स्वकिय सचिव एवं कार्यालय सचिव रामबहादुर विष्ट, उपसभापति करुणाकर भट, सदस्य गोकुल शाहि, सन्तोष देउवा, विद्यार्थी नेता नरेन्द्र मल्ल, भरत नेपाली लगायत रहेको नेपाल महिला संघ केन्द्रिय समितिद्धारा जारी प्रेष विज्ञप्तिमा उल्लेख छ । नीजहरुले महिला संघका कलावति देवि बोहोरा , बसन्ती भण्डारी लगायतलाई अपशब्द बोल्नुका साथै कुटपिट गरेका थिए ।
यस घटनाका सन्दर्भमा नेपाल महिला संघ केन्द्रिय समितिले विज्ञप्ति निकालेर घटनाको भत्र्सना गर्नुका साथै घाइतेहरुको उपचार र दोषि उपर कडा कारबाहिको माग गरेको छ ।
२०७६ साउन ९ गते प्रकाशित
वि.सं.२०७६ साउन ९ बिहीवार ११:४६ मा प्रकाशित