काठमाडौं । शेयर बजारले गभर्नर डा. चिरिन्जिवि नेपालले ल्याएको मौद्रिक नीति प्रति आक्रोश ब्यक्त गरेको छ । बैंकहरु मर्जरको प्रक्रियामा जाने कुरालाई थाति राख्दै धमाधम डिबेन्चरमा जान थालेपछि शेयर बजारमा धक्का परेसँगै यो आक्रोश व्यक्त भएको हो ।
पूँजी बजारमा माग बढाउँन भुमिका खेल्ने गरी गैरआवासीय नेपालीहरुलाई ल्याउने जस्ता प्रबन्धन गर्न भने चुकेका गभर्नर नेपाल प्रति बजारले भोलिपल्टै नकारात्मक प्रतिक्रिया दिएको हो ।
गभर्नर नेपालले पहिले ठूला बैंकहरुलाई मर्जरमा पठाउने दबाबकारी अभिब्यक्ति दिएर शेयर बजारलाई क्षय हुने गरी डिबेन्चरको बाढी ल्याउने प्रावधान मौद्रिक नीतिमा राखेकोमा लगानीकर्ताले आक्रोश पोखेको देखिएको छ ।
बुधबार मौद्रिक नीति सार्वजनिक हुने बित्तिकै लगानीकर्ताहरुले आफुहरु मौद्रिक नीतिबाट निराश भएको बताएका थिए भने त्यसको परिणाम बिहीबार देखि नै बजारमा देखा परेको थियो । वाणिज्य बैंकहरुकै मूल्य धेरै घट्नुले यो आक्रोश राष्ट्र बैंकप्रति लक्षित रहेको स्पष्टै बुझ्न सकिन्छ ।
२०७६ साउन १२ गते प्रकाशित
वि.सं.२०७६ साउन १२ आइतवार १२:०७ मा प्रकाशित